حياكم شوفوا رسائل جوال البنات

من طرف **قطري vip** الخميس فبراير 07, 2008 9:46 am

السلااااااااااااام قبل الكلاااااااااااام

هـــــــــــــــــــــلا والله وغــــــــــــــــــــــــلا بااحلى اعضاء بصراحه الموضوع
عجبني وبقته لكم

الرسائل في جوال البنات .....

1- ياليت يا قلبي تجيبين معاج بكره ملزمة علم النفس .

2- اسمعيني بسرعة حطي على قناة ( هي ) فيها عرض الأزياء اللي قتلج عنه.

3- أهلين يا حلوة الحلوين اللي عطيتيني طريقته اليوم كم مقدار السكر .

4- ما حبيت ازعجج بس ببشرج بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً

5- معليش يا دنيتي دقيتي علىّ وكنت نايمه والحين ارسلج من جوال اختي لان جوالي مافي رصيد.

6- مساء الخير شرايج اتفقت مع البنات نطلع انروح كوفي شوب ومجمع اتجين معانا.

7- الله يعطيج العافية اذا شفتي امي يا بنت خالتي الحلوه في العرس قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها .

8- حبيبتي ياليت ترسلين لي رقم جوال أمل ابيها ضروري

9- لو سمحتي أقصد لطفا وليس امرا وانتي رايحه للسوق ياليت تسألين عن قيمة الشنطة اللي قلتي لي عليه .

10- اسمعي يا حلوه بدون مقدمات ما دمتي في الستي أسألي عن سيدتي اذا كان العدد الجديد نزل .

11- السلام عليكم ما حبيت احرجج بس عظم الله اجرك وغفر الله على موتانا وموتاكم وخليكي من الصابرين .

12- مسائك هادي يا احلى ناسي والف حمد الله على السلامة في عدوينج ولا فيكج .

13- هلا وين عزمتو بكره عليه قبل لا يتأخر الوقت بقول لأهلي .

14- يا دنيتي افتحي ( ام . بي . سي . اف . ام ) الاغنيه اللي فيها إهداء مني لكج .

15- الله يعافيج بلغي البنات اللي ما شفتهم ان نوف سوت حادث ودخلت المستشفى اذا بيسألون عنها .

16- نوف يا عيوني وانتي جايتنا ياليت تجيبين معاج فستانج اللي بفصل مثله.

17- يا عيوني انا في السوق ياليت تعطيني نوع الروج الوردي ضروري .

18- يا حلاه من صباح وانا اسمع فيه خبر البيبي الف مبروك يتربى بعزكم .

19- يا حبي اعرفج نسايه ترى بكره عندنا اختبار انجليزي .

20- مساء الدلع والولع يا عمري اذا كنتي فاضيه ياليت تدقين على تلفون البيت ابي احدد معاج اختبار ملزمة بكره .

21- سارة . وش اسم آخر عطر من شنل اللي قلتي لي عنه اليوم .

22- شحالج شخبارج من حقي عليج اذا شفتي نوف في العرس سلميلي عليها وايد.

23- يا هوه يا عرب وين الناس تزوجتي وقطعتي فينا من لقى احبابه نسى اصحابه والله لنا .

24- الله الله بحلى القهوه ترى القهوه عليج بكره ولا تنسي .

25- اذا ما اكلف عليج ياليت يا قلبي تجيبين لي معاج كتاب الدكتوره عزيزه .

26- صباحك حلو لانك داخله الصيدليه على هالصباح جيبي لي معاج بندول انا مصدعه وما حصلت مع البنات ولا بالجامعه .

27- أمل يا عمري انا بتأخر شوي لاني بطلع بروح احف حواجبي على العموم اطلبوا لي عشا معاكم ليما اجي .

28- لا يفوتك اليوم المسلسل الحلقة الاخيره في قناة دبي .

29- يا ***** دقيت عليج وجوالج مقفل على العموم لا تدورين على نظارتك لانك نسيتيها عندنا . (( أتخيل شكلها.ههههه))

30- اهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع .

منقول

من طرف برونزيه دلع الخميس فبراير 07, 2008 12:23 pm

احلىىىى ياحركااااااات..ادري فيك حرره عليناااا..ههههههههه يعطيك العافيه اخوووي lol!

ههههههههههههه اي والله ترى صج هالمسجات اللي انا متعوده عليها
بس في نوع من اخر من المسجات اللي تتمي إلى فصيله الهواش والزف هاهاهاي
lol!

من طرف **قطري vip** الخميس فبراير 07, 2008 5:04 pm

ههههههههه

حياكم الله بنات

افففف اسكتي برونزيه انا اصلن بشن حرب عليكم خخخخخ ( امزح ) بس ادري هذي سوالفكم

لقيت جوال بنت طايح ونقلت لكم الي فالرسايل خخخخ

تحياتي ومشكورين على المرور برونزيه والمدير العام